Мулоқот бо Вазири Девони Амири Давлати Кувайт шайх Носир Сабоҳ ал-Аҳмад ас-Сабоҳ

Имрӯз ҳамчунин Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Вазири Девони Амири Давлати Кувайт шайх Носир Сабоҳ ал-Аҳмад ас-Сабоҳ мулоқот кард.

Зимни сӯҳбати пурмуҳтаво ҷонибҳо доир ба иштироки доираи соҳибкории Кувайт дар татбиқи лоиҳаҳои афзалиятноки гидронэргетикӣ, нақлиёту комуникатсионӣ ва коркарди канданиҳои фоиданоки кӯҳии Тоҷикистон табодули афкор карданд.

Мулоқот бо муовини аввали Сарвазир, Вазири корҳои хориҷии Давлати Кувайт шайх Сабоҳ ал-Холид ал-Ҳамад ас-Сабоҳ

Дар шаҳри Ал-Кувайт Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо муовини аввали Сарвазир, Вазири корҳои хориҷии Давлати Кувайт шайх Сабоҳ ал-Холид ал-Ҳамад ас-Сабоҳ мулоқот кард.

Сарвари давлат Эмомалӣ Раҳмон дар оғози мулоқот изҳор дошт, ки робитаҳои сиёсӣ байни ду давлат дар айни замон нек ва судманд ба роҳ монда шуда, Тоҷикистону Кувайт дар доираи сохторҳои байналмилаливу минтақавӣ, аз ҷумла дар доираи узвият дар Созмони Милали Муттаҳид, Созмони Ҳамкории Исломӣ, Ҷомеаи Давлатҳои Араб ва Муколамаи ҳамкории Осиё муносибатҳои сатҳи баланд доранд.

Мулоқот бо Раиси Маҷлиси Уммаи Давлати Кувайт Марзуқ ал-Ғоним

Имрӯз дар шаҳри Ал-Кувайт мулоқоти Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси Уммаи Давлати Кувайт Марзуқ ал-Ғоним баргузор шуд.

Дар мулоқот вазъи кунунӣ ва дурнамои мунисибатҳои байнипарлумонии Тоҷикистону Кувайт мавриди баррасӣ қарор дода шуд.

“Мо ҳамкории судманди байнипарлумониро ҳамчун рукни таркибии раванди таҳкими равобити умумии дуҷониба ва таъмини манфиатҳоямон дар сатҳи минтақавӣ ва байналмилалӣ медонем”,-таъкид дошт зимни мулоқот Президенти Ҷумҳурии Тоҷикистон Эмомалӣ Раҳмон.

Оғози сафари расмӣ ба Давлати Кувайт

15 майи соли 2016 Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари расмӣ вориди Давлати Кувайт шуд.

Дар толори махсуси фурудгоҳи байналмилалии амирии пойтахти ин кишвар — шаҳри Ал-Кувайт Сарвари давлати Тоҷикистон Эмомалӣ Раҳмонро Амири Давлати Кувайт Шайх Сабоҳ ал-Аҳмад ал-Ҷобир ас-Сабоҳ истиқбол гирифт. Барои истиқболи меҳмони олимақом дар фурудгоҳи Ал-Кувайт, ҳамчунин Валиаҳди Давлати Кувайт Навоф ал-Аҳмад ал-Ҷобир ас-Сабоҳ, Раиси Парлумони Давлати Кувайт Марзуқ Алӣ Муҳаммад Сунён ал-Ғонӣ, муовини аввали Сарвазир, Вазири корҳои хориҷӣ шайх Сабоҳ ал-Холид ал-Ҳамад ас-Сабоҳ, Мушовири Девони Амир Муҳаммад Зайдулло Шарор, ашхоси аршади Девони Амирӣ ва роҳбарияти олирутбаи Горди амирӣ ҳузур доштанд.

Ҳамоиши «Созандагони Ватан» зери шиори «Ҳама- ба раъйпурсӣ!»

22 майи соли равон чорабинии муҳими давлатӣ раъйпурсӣ барои ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон баргузор мешавад. Сокинони ноҳияи Панҷ нисбат ба ин маъракаи сиёсӣ, ки бозгӯкунандаи ҳаёти иҷтимоӣ, сиёсӣ ва иқтисодии мамлакат мебошад, бетараф набуда, ҳамаҷониба омодагии худро барои раъйдиҳӣ изҳор медоранд.

Страницы