Шиносоӣ бо фаъолияти КВД «Маҷмааи гармхонаҳои доимоамалкунанда»-и шаҳри Нораки вилояти Хатлон
Дар шаҳри Норак Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо фаъолияти Корхонаи воҳиди давлатии «Маҷмааи гармхонаҳои доимоамалкунанда» бевосита шинос шуд. 
Чунонки иттилоъ доданд, маҷмааи гармхонаҳои шаҳри Норак соли 1982 бунёд гардида, дар замони истиқлолият пурра мавриди таҷдиду азнавсозӣ қарор гирифтааст. 

Китобхонаи миллӣ ба мактаби №46-и Варзоб 1600 китоб тақдим кард
Китобхонаи миллии Тоҷикистон бо дархости мактаби рақами 46, деҳаи Шодоби ноҳияи Варзоб ба китобхонаи ин мактаб 1600 адад китоб тақдим кардааст. 
Бино ба иттилои Шуъбаи маркетинг ва менеҷменти фаъолияти китобдорӣ, ки масъули тавзеҳи ин китобҳо будааст, дар маросими тақдим бештар аз 400 нафар устодону хонандагони мактаб ҳузур доштанд. 
Хонандагон дар бораи китоб, дониш, фазилати мутолиа шеърхонӣ карданд, саҳначаҳои ҷолиб намоиш доданд ва фестивали озмуни китоб низ ҳамзамон роҳандозӣ шуд. 

Оғози фаъолияти боғчаи кӯдаконаи «Ситора» дар ноҳияи Ёвони вилояти Хатлон
Дар паҳлӯи Муассисаи таҳсилоти миёнаи умумии рақами 16, Асосгузори сулҳу Ваҳдати миллӣ - Пешвои миллат Эмомалӣ Раҳмон дар маросими оғози фаъолияти боғчаи кӯдаконаи «Ситора» иштирок кард. Кушодашавии ин боғчаи замонавӣ барои сокинони деҳаи Даҳанаи ҷамоати деҳоти «Даҳана»-и ноҳияи Ёвон имкони бештари ҷалби хурдсолон ба тарбияву таълимро фароҳам овард.