Имрӯз Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо мақсади таъмини фаъолияти самараноки сохторҳои гуногуни шаҳрдорӣ бо вазъи як қатор кӯчаву хиёбонҳои пойтахт шинос шуданд. Дар ин хусус ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.

Раиси шаҳри Душанбе ба муовинон ва раисони ноҳияҳо дастур доданд, ки барои сари вақт тоза намудани барф аз назди биною корхона ва мағозаву фурӯшгоҳҳо корбарӣ намуда, баҳри омода намудани каналу селпартоҳо ва таъмин намудани сокинон бо оби ошомиданӣ ва неруи барқу гармӣ чораҳои судманд андешанд.

Ҳамчунин супориш дода шуд, ки корҳои фаҳмондадиҳиро байни ҳама қишрҳои ҷомеа баҳри самаранок истифода бурдани қувваи барқ ва сарфаю сариштакорӣ тақвият бахшанд.