28 ноябр дар шаҳри Ашқобод Вазири фарҳанги Ҷумҳурии Тоҷикистон Зулфия Давлатзода бо муовини Раиси Девони Вазирони Туркманистон Меҳриҷамал Маммедова мулоқот намуд, иттилоъ доданд ба АМИТ «Ховар» дар маркази матбуоти Вазорати фарҳанги мамлкат.

Ҷонибҳо дар мулоқот оид ба масъалаҳои таҳким ва густариши ҳамкории дуҷониба дар соҳаи фарҳанг ва санъат табодули афкор намуданд.

Онҳо зикр карданд, ки баргузории дарсҳои маҳорат барои донишҷӯёни дар донишгоҳҳои соҳавӣ таҳсилкунанда, сафарҳои дастаҳои эҷодӣ, инчунин баргузории чорабиниҳои гуногуни муштараки фарҳангӣ заминаи мусоид барои рушди бештари ҳамкорӣ дар соҳаи фарҳанг байни Тоҷикистону Туркманистон мегардад.

Дар вохўрӣ масъалаи таҳкими ҳамкорӣ миёни Донишкадаи давлатии фарҳанг ва санъати Тоҷикистон ба номи Мирзо Турсунзода ва Донишкадаи давлатии фарҳанги Туркманистон, инчунин Донишкадаи давлатии санъати тасвирӣ ва дизайни Тоҷикистон ва Академияи давлатии санъати тасвирии Туркманистон мавриди баррасӣ қарор гирифт.

Ёдовар мешавем, ки 23 ноябр дар Кохи Макоми шаҳри Ашқобод Рӯзҳои фарҳанги Тоҷикистон дар Туркманистон оғоз гардид, ки дар он барномаи рангини консертии ҳунармандони тоҷик ва намоиши филми мустанад дар бораи Тоҷикистон манзури тамошобинон гардид.

Инчнин 24 ноябр дар Осорхонаи ба номи Сафармурод Ниёзов намоиши аксҳо, мусаввараҳо, либосҳои миллӣ, ҳунарҳои мардумӣ, ҳунарҳои дастӣ, таомҳои миллӣ, шириниҳо ва анвои гуногуни нонҳои тоҷикӣ ба тамошо гузошта шуд.

Хотиррасон мешавем, ки аз 22 то 26 ноябри соли равон Рӯзҳои фарҳанги Тоҷикистон дар Туркманистон баргузор гардид.                                                                                                                                                                    АКС: Вазорати фарҳанги ҶТ

ДУШАНБЕ, 29.11.2022 /АМИТ «Ховар»/. https://khovar.tj/2022/11/to-ikiston-va-turkmaniston-amkoriro-dar-so-ai-far-ang-va-sanat-gustarish-medi-and/