21 август президенти Академияи миллии илмҳои Тоҷикистон Қобилҷон Хушвахтзода дар шаҳри Ҳисор бо ҷараёни баргузории Озмуни ҷумҳуриявии «Фурӯғи субҳи доноӣ китоб аст» шинос шуд.

Қобилҷон Хушвахтзода дар китобхонаи марказии шаҳр бо ҳакамону масъулон ва иштирокчиёни озмун суҳбат намуд. Аъзои ҳайати ҳакамонро даъват намуданд, ки ба донишу малакаи довталабон шаффофу одилона баҳо гузоранд.

Таъкид гардид, ки Ҳукумати ҷумҳурӣ, махсусан  Президенти Тоҷикистон муҳтарам Эмомалӣ Раҳмон барои иштирокчиёни Озмуни ҷумҳуриявии «Фурӯғи субҳи доноӣ китоб аст» бисёр имтиёзҳо фароҳам овардааст. Ҳамзамон довталабони соҳибистеъдод ва забондон барои роҳ ёфтан ба муассисаҳои олии ҷумҳурӣ ҳаматарафа дастгирӣ карда мешаванд.

АКС: Академияи миллии илмҳои Тоҷикистон