Вохӯрии Сафири Тоҷикистон дар Қазоқистон Хайрулло Ибодзода бо раиси Идораи ҶС «Ширкати суғуртавӣ-содиротӣ «KazakhExport» Аслан Калигазин 19 январ баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Зимни вохӯрӣ имконоти содиротӣ ва лоиҳаҳои сармоягузории Тоҷикистон муаррифӣ ва масъалаҳои тавсеаи ҳамкории дуҷониба дар соҳаҳои кишоварзӣ, саноат, энергетика, сохтмон инчунин логистика баррасӣ карда шуданд.

Таъкид бояд кард, ки Қазоқистон яке аз шарикони асосии тиҷоратии Тоҷикистон маҳсуб мешавад. Ҳиссаи он дар тиҷорати хориҷи бо Тоҷикистон аз рӯи натиҷаҳои 11 моҳи соли 2022 19,6 фоизро ташкил медиҳад.

ДУШАНБЕ, 21.01.2023 /АМИТ «Ховар»/. https://khovar.tj/2023/01/dar-ostona-imkonoti-sodirot-va-loi-a-oi-sarmoyaguzorii-to-ikiston-muarrif-karda-shudand/