Филми ҳунарии «Дов» дар Кинофестивали байналмилалии XVI «Северный характер» дар шаҳри Мурмански Федератсияи Русия сазовори ҷоизаи «Беҳтарин филм» гардид. 
Дар ин кинофестивал филми ҳунарии «Дов» 25-ум ҷоизаи байналмилалиро ба даст овард.
Ба  Кумитаи тадорукоти фестивал  300 филм пешниҳод шуд, ки аз байни онҳо 77 филми 15 давлати дунё дар номинатсияҳои гуногун интихоб гардиданд.
Филмҳое, ки дар ин кинофестивал ғолиб омадаанд, дар аксар шаҳрҳои Федератсияи Русия, Ҷумҳурии Беларус, Арманистон, Норвегия, Шветсия ва Финландия намоиш дода мешаванд.
Филм воқеаҳои солҳои навадуми асри гузаштаро инъикос намуда, рӯзгори пурпечутоби ду дӯсти ҳақиқӣ ва ҳаёти одамони боистеъдоди зиёии музофотро ба тамошобинон намоиш медиҳад.
Ҳирси молу дунё дӯстонро аз ҳам ҷудо месозад ва риштаи рафоқат байни онҳо канда шуда, ҷойи онро нафрату адоват мегирад.
Ёдовар мешавем, ки филми «Дов» нахустин лоиҳаи муштараки «Суғдсинамо» бо «Тоҷикфилм» аст. Филм 117 дақиқа буда, соли 2022 истеҳсол гардидааст.