Дар Донишгоҳи давлатии Хуҷанд ба номи академик Бобоҷон Ғафуров ғолибони даври ҷумҳуриявии «Илм – фурӯғи маърифат» ва «Фурӯғи субҳи доноӣ китоб аст»  қадрдонӣ шуданд.

Ректори Донишгоҳи давлатии Хуҷанд Аюб Усмонзода ба ғолибон, иштирокчиён ва роҳбарони онҳо дар вазъияти тантанавӣ туҳфаҳои хотиравӣ ва мукофоти пулии раёсати донишгоҳро супорид.

Дар маҷмуъ 42 нафар, аз ҷумла ғолибон ва роҳбарони онҳо бо мукофоти пулӣ дар ҳаҷми аз 500 сомонӣ то 4 ҳазор сомонӣ ва иштирокчиёни фаъол бо Сипоснома ва туҳфаҳои хотиравӣ қадрдонӣ шуданд.

Хотиррасон менамоем, ки Донишгоҳи давлатии Хуҷанд дар даври ҷумҳуриявии озмуни «Фурӯғи субҳи доноӣ китоб аст» 6 ҷойи намоён ва 7 ҷойи ифтихорӣ ва дар даври ҷумҳуриявии озмуни «Илм – фурӯғи маърифат» 4 ҷойи намоён ва 3 ҷойи ифтихориро соҳиб шуд.

АКС: Донишгоҳи давлатии Хуҷанд ба номи академик Бобоҷон Ғафуров