Имрӯз дар назди Театри давлатии академии опера ва балети ба номи Садриддин Айнӣ бо ташаббуси Вазорати фарҳанги Тоҷикистон намоиш-фурӯши китоб баргузор мегардад. 

Намоиш-фурӯши китоб аз соати 10:00 то 16:00 баргузор шуда, дар он ноширони ватанӣ китобҳои бадеӣ, илмӣ, адабиёти бачагона ва тарҷумаи бадеиро бо сифати баланд пешниҳод менамоянд. Ин намоиш-фурӯши китоб барои дастрасӣ ба китобҳои тозанашр беҳтарин имконият аст.

Чун анъана дар ин намоиш-фурӯш як зумра шоирону нависандагони маъруфи тоҷик  иштирок намуда,  ба   китобҳои харидаи  иштирокдорон  соядаст  мегузоранд. Дар ин барномаи фарҳангӣ донишҷӯёну омӯзгорон  бо шоирону нависандагони маъруфи тоҷик  суҳбат намуда,  бо   онҳо аз наздик шинос мешаванд.