22 феврал бо ибтикори ҷомеаи донишҷӯёни Донишгоҳи Лондон (UCL) дар яке аз боғҳои марказии шаҳри Лондон нахустин чорабинии идона бахшида ба ҷашни байналмилалии Наврӯз баргузор гардид, бо истинод ба Сафорати Ҷумҳурии Тоҷикистон дар Подшоҳии Муттаҳидаи Британияи Кабир ва Ирландияи Шимолӣ хабар медиҳад.

Дар ҳамоиш миллатҳои ҳавзаи Наврӯз ва сокинони маҳаллии шаҳри Лондон иштирок намуда, бо расму оин ва ғизои миллии мардуми ҳавзаи Наврӯз шинос шуданд.

Ҷониби Тоҷикистон низ дар ҳамоиш иштирок намуда, гӯшаи фарҳангиро бо рамзҳои наврӯзӣ — “Ҳафт сину ҳафт шин” оро дод. Инчунин донишҷӯи болаёқати Тоҷикистон барои меҳмонон сурудҳои тоҷикӣ замзама намуд.

Намояндаи Сафорат ҳозиринро бо фарорасии Наврӯзи хуҷастапай табрик гуфта, оид ба моҳияти он маълумоти мухтасар пешкаш намуд.

АКС: Сафорати Ҷумҳурии Тоҷикистон дар Подшоҳии Муттаҳидаи Британияи Кабир ва Ирландияи Шимолӣ