Коргадони филми тахайюлии “Гунаҳгорон” Райан Куглер дар мусоҳибаи охири худ тасдиқ намудааст, ки идомаи силсилафилми маъруфи “Маводи махфӣ” – ро рӯйи пардаи синамо меорад. Дар бораи хатти сужа ва ҷузъиёти филм то ҳол маълумоте нашр нашудааст, вале бозгашти дубораи ин офарида ба ҷаҳони синамо барои бинандагон ҷолиб хоҳад буд.

“Маводи махфӣ” лоиҳаест, ки авввалин бор соли 1993 пешниҳоди ҳаводорони синамо  гардид. Бо назардошти маҳбубияти зиёд миёни тамошобинон филми мазкур то соли 2018 дар ёздаҳ фасл таҳия гардида, дар бозори синамо мавқеи намоёнро соҳиб шудааст.

Коргардони филми тахайюлии "Гуноҳкорон" Райан Куглер дар мусоҳибаи нави худ тасдиқ кард, ки силсилаи тахайюлии  "Маводи махфӣ" -ро дубора рӯи экран меорад.

"Ман муддати тӯлонӣ аз ин ба ҳаяҷон омадам ва ман омодаам, ки ба ин коинот баргардам. Баъзе аз ин эпизодҳо, агар мо кори худро дуруст иҷро кунем, воқеан даҳшатнок хоҳанд буд. Мо кӯшиш хоҳем кард, ки чизи воқеан ҷолиб, барои мухлисони воқеии “Маводи махфӣ”  пешниҳод намоем. Дар ин борабар мо шояд дар филми навбатӣ саҳнаҳои навро ворид созем" гуфтааст коргардон.  

Дар бораи он ки оё Дэвид Духовни ё Ҷиллиан Андерсон барои бозсозии лоиҳаи нав бармегарданд ё не, ҳанӯз чизе маълум нест, аммо Райан Куглер иддао дорад, ки аллакай бо Андерсон сӯҳбат кардааст.

Ёдовар мешавем, ки The X-Files аслан аз моҳи сентябри соли 1993 то моҳи майи соли 2002 дар нӯҳ фасл идома ёфта, фаслҳои даҳум ва ёздаҳум дар солҳои 2016 ва 2018 бароварда шуданд. Дар маҷмӯъ аз рӯи ин лоиҳаи 218 эпизод ба навор гирифта шудааст. Илова бар ин, олами силсилаи “Маводи махфӣ” дар шакли ду филми  пурраметра бо номҳои “Мубориза барои оянда” дар соли 1998  ва “Бовар кардан мехоҳам ” дар соли 2008 таҳия карда шудааст.