Ҳунарпешаи саршиноси синамои Ҳолливуд Ҷенна Ортега дар филми наве бо номи “Охирин фардо” нақши марказиро иҷро кардааст. Айни ҳол ролики таблиғотии филми мазкур дар сомонаҳои иҷтимоӣ пешниҳоди бинандагон гардидааст. Филмро Трей Эдвард коргардонӣ мекунад. Дар баробари Ҷенна дар филми мазкур Эйбел Макконен, Барри Кеоган, Дэвид Московиц ҳунарномоӣ мекунанд.

Филмнома ба қалами Ризо Фаҳим тааллуқ дорад. Сужаи филм дар бораи навозандае қисса мекунад, ки аз бехобӣ ранҷ мекашад. Боре дар намоиши консертӣ бо як шахсӣ ғайриоддӣ ва пурасрор ошно мешавад, ки ӯро ба гирдоби хатарноки рӯйдодҳо меандозад ва хати байни воқеият ва даҳшатро норавшан мекунад.

Давомнокии лоиҳа 95 дақиқаро фаро гирифта, дар жанри саргузаштӣ таҳия карда шудааст.

Нахустнамоиши филми ҳунарии “Охирин фардо” дар Русия 29 майи соли равон баргузор мегардад.