Санаи нахустнамоиши идомаи филми ҳунарии “Абадӣ” майян гардид. Ба иттилои сомонаи “Дедлайн” лоиҳаи мазкур 21 ноябри соли 2025 ба намоиш мебарояд. Филми ҳунарии “Абадӣ” яке аз лоиҳаҳои маъруфи синамои ҷаҳонист, ки дар жанри муҳорибавӣ рӯйи навор оварда шудааст. Баъди муваффақияти лоиҳаи аввал, ки соли 2022 пешниҳод гардида буд, таҳиягарон ба сабти идомаи лоиҳаи мазкур шуруъ намуданд.

Лоиҳаро ширкати филмофарии “Sony Pictures” таҳия кардааст. Дар ин қисмат низ коргардони финландӣ Ялмари Хеландер бори дигар ба ҳайси коргардон ва муаллифи филмнома баромад мекунад.

Сужаи ин офарида ба рӯзгори як сарбози собиқ нигаронида шудааст, ки тасодуфан ганҷи бебаҳоеро падо мекунад. Акнун қаҳрамонро мебояд, ки бо гуруҳи мусаллаҳе ки дар ҷумтуҷуи ганҷ ҳастанд мубориза барад. Дар нақши қаҳрамони асосӣ чун пештара ҳунарпеша Йорма Томмила ҳунарнамоӣ мекунад.

Ёдовар мешавем, ки нахустин филми “Абадӣ”, ки соли 2022 таҳия гардид аз ҷониби ҳаводорони синамо гарму самимӣ истиқбол шуд. Филми мазкур дар прокатфуруши ҷаҳонӣ 14 миллион доллар ба даст овард, ки нисфи он аз бозори синамои ИМА ба даст омадааст.