369 
Дар Вазорати корҳои хориҷии Ҷумҳурии Тоҷикистон масъалаҳои омодагӣ ба аввалин Форуми сармоягузории Тоҷикистону Британияи Кабир баррасӣ гардиданд, хабар медиҳад мухбири АМИТ «Ховар» бо истинод ба вазорат.
Иттилоъ дод шуд, ки аввалин Форуми сармоягузории Тоҷикистон ва Британияи Кабир дар шаҳри Лондон 28-29 марти соли 2023 ба нақша гирифта шудааст.
Роҳбарияти Вазорати корҳои хориҷии Ҷумҳурии Тоҷикистон дар мулоқот бо намояндагони Британияи Кабир ҳамчунин атрофи дурнамои рушди ҳамкории Тоҷикистон ва Британияи Кабир роҷеъ ба соҳаҳои иқтисоду тиҷорат, сармоягузорӣ ва дигар самтҳои афзалиятнок табодули назар намуданд.
ДУШАНБЕ, 15.02.2023 /АМИТ «Ховар»/. https://khovar.tj/2023/02/dar-sha-ri-london-avvalin-forumi-sarmoyaguzorii-to-ikiston-va-britaniyai-kabir-doir-karda-meshavad/