Бахшида ба 35-солагии Истиқлоли давлатии Ҷумҳурии Тоҷикистон дар ноҳияи Шоҳмансури шаҳри Душанбе сохтмони 149 бинои баландошёна дар назар дошта шудааст. Дар ин хусус имрӯз зимни нишасти матбуотӣ Раиси ноҳияи Шоҳмансури шаҳри Душанбе Билол Иброҳим ба хабарнигорон иттилоъ дод.

Гуфта шуд, ки дар доираи нақшаи чорабиниҳои корҳои бунёдкорӣ бахшида ба ин ҷашни миллӣ дар ноҳияи Шоҳмансури шаҳри Душанбе барои давраи солҳои 2022-2026 таъмири намои 176 бинову иншоот ва навсозии 87 нуқтаи партовпартоӣ, сохтмон ва навсозии 12 км роҳҳои мошингард пешбинӣ гардидааст. Муҳлати оғозу анҷоми сохта, ба истифода додани онҳо бо соҳибкорон мувофиқа карда шудааст.

Зимни нишасти матбуотӣ иброз гардид, ки аз ҳисоби ҳамаи сарчашмаҳои маблағгузоришаванда барои сохтмони асосӣ 994,3 миллион сомонӣ маблағ сарф шуда, то ин муддат 632,3 миллион сомонӣ ба фондҳои асосӣ барои истифода дода шудааст.

ДУШАНБЕ, 15.02.2023. /АМИТ «Ховар»/. https://khovar.tj/2023/02/35-solagii-isti-loli-davlat-bahshida-ba-in-ashn-dar-no-iyai-sho-mansuri-sha-ri-dushanbe-149-binoi-balandoshyona-sohta-meshavad/