Ширкати филмофариии “Нетфликс” барои таҳияи идомаи силсилафилми сертамошобини “Уэнсдэй”  фармоиш додааст.

    Тибқи иттилои расонаҳо дар идомаи лоиҳа низ нақши асосиро ҳунарпешаи ҷавон Ҷенна Ортега меофарад.

    Нақши ҳунарпеша яке аз воситаҳои асосии муваффақияти филм дониста мешавад. Ҳанӯз пеш аз намоиши мавсими дуюм эълон гардид, ки силсилаи тахайюлии “Уэнсдэй” барои мавсими сеюм тамдид карда мешавад. Нахустнамоиши мавсими дуюми филм дар жанри мазҳакаи тахайюлӣ 6 августи соли равон баргузор хоҳад шуд.

    Мавсими аввали филмро, ки соли 2022 намоиш дода шуд, беш аз 250 миллион нафар тамошо кардаанд. Силсилаи таҳиянамудани коргардон Тим Бёртон дар 12 номинатсия ҷоизаи “Эмми”-ро ба даст овардааст. Аз ҷумла дар номинатсияи “Беҳтарин нақши занона дар силсилафилмҳои мазҳакавӣ” ҳунарпеша Ҷенна Ортега сазовори ин ҷоиза гардидааст.

     Ҳамчунин аз миёни ҳунармандони мавсими дуюм Билли Пайпер, Стив Бушеми, Иви Темплтон ва Ноа Тейлор барои нақшофарӣ дар мавсими мавсими навбатии силсила пешбарӣ шуданд.