Дар шаҳри Венетсияи Италия 82-юмин синамоҷашнвораи байналмилалии Венетсия оғоз гардид. Дар маросими ифтитоҳи ҷашнвора филми нави Пауло Соррентино таҳти унвони “Ла Гразия” намоиш дода шуд. Филм инчунин дар озмуни асосии фестивал иштирок мекунад.

Мувофики сюжети филм, роҳбарияти Италия барои тарк кардани вазифаи худ тайёрӣ мебинад. Пеш аз ин, қаҳрамон бояд ду қарори муҳим, якум қонун дар  бораи авф ва қонуни баҳсбарангез ба ақидаи ӯ дар бораи эвтаназияро қабул кунад.

Дар драма нақши асосиро Тони Сервилло бозидааст. Пауло Соррентино зикр кард, ки нақши қаҳрамони асосӣ бофта буда, асоси воқеӣ надорад ва комилан афсонавӣ аст.

Ба барномаи озмун ҳамагӣ 21 филм шомил шудааст. Аз ҷумла филмҳои “Ҷодугари Кремл”, “Хонаи динамит”, “Бугония”, “Васияти Анна Ли”,  “Дӯсти ором”, “Франкенштейн” ва дигар лоиҳаҳо қабул гардиданд.

Ба барномаи берун аз озмун филмҳои «Баъд аз шикор»-и Лука Гуаданьино, «Дафтари директор»-и Александр Сокуров, «Филҳои арвоҳ»-и Вернер Герцог шомил шудаанд.

Ҳайати доварони ҷашнвораи синамои Венетсияро коргардони амрикоӣ Александр Пейн раҳбарӣ мекунад. Ҷашвораи мазкур то 6 сентябрь давом меёбад.