Соли равон дар ошёнаҳои якуму дуюми биноҳои баландошёнаи ҳудуди шаҳри Душанбе 45 муассисаи томактабӣ барои беш аз 7690 ҷой таъсис дода мешавад. Дар ин самт корҳои сохтмонӣ бо маром идома доранд. Ин матлаб зимни нишасти матбуотии Мақомоти иҷрояи ҳокимияти давлатии шаҳри Душанбе таъкид  гардид.

Ҳамзамон дар ҷараёни нишасти матбуотӣ иттилоъ дода шуд, ки аз  ҳисоби Муассисаи давлатии «Дирексияи сохтмони иншооти ҳукуматӣ»-и Дастгоҳи иҷроияи Президенти Ҷумҳурии Тоҷикистон дар пойтахт сохтмони 3 муассисаи таҳсилоти миёнаи умумӣ барои 6080 ҷой ҷараён дорад.

Инчунин аз тарафи Вазорати маориф ва илми Ҷумҳурии Тоҷикистон 1 муассисаи таҳсилоти миёнаи умумӣ барои 2400 ҷой, аз ҳисоби мақомот навсозии 1 муассисаи таҳсилоти миёнаи умумӣ ва аз ҷониби соҳибкорон сохтмони 12 муассисаи таҳсилоти миёнаи умумӣ барои 27 ҳазору 232 ҷой идома дорад.

ДУШАНБЕ, 25.02.2023. /АМИТ «Ховар»/.https://khovar.tj/2023/02/soli-ravon-dar-oshyona-oi-yakumu-duyumi-bino-oi-balandoshyonai-sha-ri-dushanbe-45-muassisai-tomaktab-tasis-doda-meshavad/