Ширкати филмофарии “Юниверсал пикчерз” хароҷоти таҳияи филми навбатиро аз силсилаи лоиҳаҳои сертамошобини “Форсаж” хеле гарон арзёбӣ карда, талаб дорад, ки буҷаи филм 150 миллион доллар кам карда шавад. Бо дарназардошти ин масъала расонаҳо хабар медиҳанд, даъвои ҳунарпеша Вин Дизел дар бораи он, ки студияи Universal аз ӯ "хоҳиш" кардааст, ки филми навбатиро бо достони ҷолиб ва хашмгин ҳарчӣ зудтар ба намоиш гузорад, аз воқеият дур аст. Тадқиқот аз ҷониби маҷаллаи “The Wall Street Journal” манзараи бӯҳрони амиқро дар яке аз силсила сердаромадтарин дар ҷаҳон тасвир мекунад.

     Мутобиқи баъзе маълумотҳо, кор болои филм амалан вуҷуд надорад: санаи дақиқи намоиш муайян нашудааст ва аксари ҳунармандон ба шартномаи ҳамкорӣ имзо нагузоштаанд. Гузашта аз ин, Universal мутмаин нест, ки мехоҳад филми дигари бадеӣ созад, агар он буҷаро дар муқоиса бо лоиҳаи “Форсаж 10” тақрибан 150 миллион доллар кам карда натавонад.

Ин зарбаи ҷиддӣ ба нуфузи силсила дар бозори синамо мебошад. Бо даромади умумии хазинаҳо дар ҳаҷми 7,3 миллиард доллар, ин бренд ногаҳон дар остонаи нобудшавӣ қарор гирифт. "Форсаж 10" алакай ба бадтарин филми силсилаи даҳсолаи охир табдил ёфт, ки даромади 705 миллион долларро дар саросари ҷаҳон соҳиб шуд. Дар ҳоле ки лоиҳа ҳамчун гаронтарин филм бо буҷаи беш аз 300 миллион доллар офарида шуда буд.

Ба иттилои таҳиягарон мушкилот бо талаботи худи роҳбари силсила мураккаб мегардад. Вин Дизел барои ҳар як филми нав 25 миллион доллар мехоҳад. Ҷадвали намоиши филми нав то ҳол махфӣ боқӣ мемонад ва эҳтимол намоши дар соли 2027 баргузор мешавад.