17 октябр дар кинотеатри «Наврӯз»-и шаҳри Душанбе расми ифтитоҳи Рӯзҳои синамои Русия дар Тоҷикистон доир мегардад.

Тавре аз Муассисаи давлатии «Тоҷикфилм»  хабар доданд, дӯстдорони синамо имкон доранд, ки давоми се рӯз филмҳои ҳунарии истеҳсоли Русия — «Духтари капитан», «Офтобро бидор», «Қоидаҳои Филипп» ва «Почта»-ро тамошо намоянд.

Баргузории Рӯзҳои синамои Русия дар Тоҷикистон барои рушди минбаъдаи синамои миллӣ заминаи мусоид фароҳам оварда, имкон медиҳад, ки дар соҳаи кинематография лоиҳаҳои нави синамоии муштарак амалӣ гардонида шаванд.

Ёдовар мешавем, ки Рӯзҳои синамои Русия дар Тоҷикистон дар доираи Синамоҷашнвораи дуюми байналмилалии Душанбе -«Тоҷи Сомон» баргузор мегарданд.

АКС: Муассисаи давлатии «Тоҷикфилм»