6 март машваратҳои сиёсӣ байни вазоратҳои корҳои хориҷии Ҷумҳурии Тоҷикистон ва Ҷумҳурии Молдова дар сатҳи роҳбарони воҳидҳои сохторӣ дар шакли маҷозӣ баргузор гардиданд. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Ҷонибҳо масъалаҳои мубрами ҳамкории Тоҷикистон ва Молдоваро дар бахшҳои сиёсӣ, тиҷоратию иқтисодӣ, маориф, фарҳанг ва гуманитарӣ мавриди баррасӣ қарор дода, оид ба ҳамкории ду давлат дар чаҳорчӯби созмонҳои байналмилалӣ ва минтақавӣ табодули афкор намуданд.

Ҷиҳати анҷоми иқдоми муштараки мақомоти сиёсати хориҷӣ барои тақвияти минбаъдаи ҳамкории мутақобилан судманди Тоҷикистон ва Молдова изҳори омодагӣ карда шуд.

Машваратҳо ба 30 солагии барқароршавии муносибатҳои дипломатӣ байни Ҷумҳурии Тоҷикистон ва Ҷумҳурии Молдова бахшида шуданд.

   ДУШАНБЕ, 07.03.2023 /АМИТ «Ховар»/.https://khovar.tj/2023/03/to-ikiston-va-moldova-mashvarat-oi-siyos-barguzor-namudand/