Ширкати филмофарии «A24» ролики таблиғотии филми ҳунарии «Марги Робин Гуд»-ро муаррифӣ кард. Нахустнамоиши филм моҳи июни соли равон баргузор хоҳад шуд. Филми мазкур идомаи достони лоиҳаҳои қаблии «Робин Гуд» мебошад. Сужаи филми ҳунарии «Марги Робин Гуд» дар бораи роҳзани маъруф ва қаҳрамони афсонаҳои мардумӣ Робин Гуд нақл мекунад, ки сахт захмӣ шудааст. Нақши қаҳрамони асосиро дар ин лоиҳа Хью Ҷекман иҷро намудааст. Қаҳрамон таҳти нигоҳубини як зани асроромез бо нақшофарии Ҷоди Комер қарор мегирад ва тамоми кирдори бади худро дар гузашта ба ёд меорад.

  Дар филм ҳамчунин Билл Скарсгард ва Ноа Ҷуп нақшофарӣ менамоянд. Коргардон ва муаллифи филмнома Майкл Сарноски мебошад. Санаи дақиқи намоиш ҳанӯз эълон нашудааст.