Коргардон Шон Леви, ки чанде пеш наворбардории филми нави тахайюлии “Ҷангҳои ситоравӣ»-ро ба анҷом расонид, дар бораи як ҳодисаи ҷолиб ҳангоми наворбардорӣ нақл кард.

Ба гуфтаи ӯ, ҳангоми омодагӣ ба як дуэли мураккаби шамшерҳои нурӣ дар об ногаҳон як чархбол аз осмон дар наздикии студия фуруд омадааст.

Меҳмони ғайриинтизор ҳунарпешаи саршинос Том Круз буд. Шон Леви пешниҳод мекунад, ки Том метавонад ба ҳайси наворбардор кумак намояд. Ғайричашмдошти ҳайати таҳиягарӣ Том Круз ин пешниҳоди ҳазломезро ҷиддӣ қабул карда, шахсан дастгоҳи наворбардориро ба даст гирифт, ба кӯли об даромад ва якчанд дубли саҳнаро наворбардорӣ кард. Ин лаҳзаи ногаҳонӣ ва омодагии Круз ба кор дар ҳар гуна шароит, ба гуфтаи Леви яке аз лаҳзаҳои фаромӯшнашавандаи ҷараёни сабти филм ба ҳисоб меравад.

Нахустнамоиши лоиҳаи нави “Ҷангҳои ситоравӣ”  аз ҷониби ширкати «Дисней»  28 майи соли 2027 таъйин шудааст.