Дар маросими 83-юми ҷоизасупории «Гулобуси тиллоӣ» филми нави коргардон Пол Томас Андерсон ҷоизаи «Беҳтарин филми мазҳакавӣ»-ро соҳиб шуд. Ҳамзамон филми мазкур аз рӯи номинатсияи «Беҳтарин коргардон», «Беҳтарин филмнома» ва «Беҳтарин нақши дуюмдарҷаи занона» ҷоиза ба даст овард. Дар умум ин офарида дар нуҳ категория номзад шуда, дар чор номинатсия ғолиб шуд.

Беҳтарин филми драмавӣ филми Хлоя Чжао «Ҳамнет» эълон шуд ва ситораи он Ҷесси Бакли ҷоизаи инфиродӣ гирифт.

Ду ҷоиза ба драмаи таърихии «Ҳамнет», филми «Ҷосуси махфӣ» лоиҳаи «Гуноҳгорон» ва филми аниматсиони «Кей-поп-шикорчиёни девҳо» тақдим гардид.

Силсилафилми хурди «Гузариши синнусолӣ» аз рӯи чор номинатсия ҷоиза ба даст овард. Драмаи тиббии «Питт» ва лоиҳаи мазҳакавии «Киностудия» аз рӯи ду номинатсия соҳиби ҷоиза гаштанд.

Филмҳои «Арзиши эҳсосӣ», «Мартии Бузург» ҳамагӣ бо як ҷоиза сарфароз гардиданд. Ҳунарпешаи ҷавон Тимоти Шаламе ҷоизаи беҳтарин нақши мардонаро соҳиб шуд.

Имсол бори аввал дар бахши «Беҳтарин подкаст» ҷоиза супорида шуд, ки онро лоиҳаи Эми Полер соҳиб гашт.