Ҳаводорони лоиҳаи аниматсионии “Моана” метавонанд ин достонро дар шакли филми ҳунарӣ бо нақшофарии зиндаи ҳунармандон тамошо намоянд. Филми мазкур аз тарафи коргардон Томас Каил таҳия шуда, айни ҳол навори таблиғотии он дар сомонаҳои иҷтимоӣ чарх мезанад. Тибқи маълумотҳо нахустнамоиши филм 10 июли соли равон дар назар дошта шудааст.

Нақши Моанаро ҳунарпешаи ҷавон Кэтрин Лагайя иҷро намудааст. Нақшҳои дигар аз ҷониби Ду

эйн Ҷонсон, Фрэнки Адамс, Рина Оуэн ва Ҷон Туи офарида шудааст.

Ба иттилои яке аз муаалифони филмнома достони филм ба асоси қисми аввали лоиҳаи аниматсионии “Моана” таҳия шудааст.

Филм жанрҳои мазҳакавӣ, саргузаштӣ, тахайюлӣ ва мусиқиро дарбар мегирад.

Филми аниматсионии “Моана” барои аввал соли 2016 таҳия шуда, таваҷҷуҳи бинандагони бешуморро ба худ ҷалб намуд. Бо назардошти истиқболи гарми тамошобинон аз лоиҳаи мазкур таҳиягарон соли 2025 қисми дуюми филмро рӯи навор оварданд.