Ҳунарпешаи маъруф, иҷрокунандаи нақшҳои муҳорибавӣ дар филмҳои сербинандаи синамои Ҳоливуд Ҷейсон Стейтем дар филми наве бо номи “Паноҳгоҳ” нақши асосиро иҷро намудааст.

Филми мазкур санаи 30 январ дар кинотолорҳои ҷаҳонӣ намоиш дода мешавад.

Достони филм дар бораи марде бо номи Майкл Мейсон ба бинанда қисса мекунад. Ин қаҳрамони асроромез кайҳо боз дар як ҷазираи дур дар танҳоии комил зиндагӣ мекунад. Рӯзе одамони ниҳоят хатарнок ва бонуфуз ба суроғи ӯ меоянд. Акнун қаҳрамонро мебояд натанҳо ҷони худ балки ҷони духтарчаеро низ ҳимоя кунад, ки дар тӯли ин солҳо нисбати ӯ ғамхорӣ мекард.

Филми мазкур дар жанрҳои саргузаштӣ ва муҳорибавӣ аз тарафи коргардон Рик Роман рӯи навор оварда шуда, бо саҳнаҳои ҷолибу пурҳаракат пешниҳоди хубе барои ҳаводорони филмҳои муҳорибавӣ мебошад.

Дар баробари Ҷейсон Стейтем дар филм Билл Найи, Наоми Аки, Харриет Уолтер, Дэниэл Мейс ва дигарон ҳунарнамоӣ мекунанд.