Шикати «Netflix» ролики аввалини силсилафилми «Владимир»-ро пешниҳоди бинандагон намуд. Драмаи мазкур бо иштироки Рэйчел Вайс дар нақши асосӣ рӯи навор оварда шуда, тибқи маълумотҳо  намоиши силсила дар платформаҳои интернетӣ 5 март оғоз мешавад.

Достони филм дар бораи қаҳрамони асосӣ омӯзгори фанни адабиёти донишгоҳ ва ҳамкори ӯ нависандаи ҷавон ва мармуз Владимир бо нақшофарии Лео Вудалл нақл мекунад, ки муносибати пинҳонии онҳо дар оянда барояшон мушкилоти гуногунро ба бор меорад.

Силсилафилми мазкур бар асоси романи ҳамноми нависанда Ҷулия Мэй Ҷонас дар соли 2022 таҳия шудааст. Коргардонҳои лоиҳа Шари Спрингер Берман ва Роберт Пулчини мебошанд. Дар нақшҳои дуюмдараҷа Ҷон Слэттери, Ҷессика Хенвик, Эллен Робертсон, Мэтт Уолш ва дигарон иштирок доранд.