Дирӯз дар шаҳри Душанбе ҷаласаи дуюми Комиссияи муштараки байниҳукуматии Тоҷикистон ва Ҷопон оид ба ҳамкории иқтисодӣ, техникӣ ва илмӣ таҳти ҳамраисии муовини Вазири рушди иқтисод ва савдои Ҷумҳурии Тоҷикистон Аҳлиддин Нуриддинзода ва ҳамраисии муовини сардори Бюрои Аврупо Икегами Масаки баргузор гардид. Дар ин хусус ба АМИТ «Ховар» дар Вазорати рушди иқтисод ва савдо хабар доданд.

Дар ҷаласа ҷонибҳо ҷиҳати тақвият додани ҳамкорӣ дар самтҳои тиҷоративу иқтисодӣ, сармоягузорӣ, кишоварзӣ, саноат, энергетика, нақлиёт, алоқа ва технологияҳои муосир, маориф ва илм, тандурустӣ, сайёҳӣ, меҳнат ва муҳоҷират, иқтисоди рақамию «сабз», ҳифзи муҳити зист, варзиш ва таъсиси корхонаҳои муштараки саноатӣ, аз ҷумла дар ҳудуди минтақаҳои озоди иқтисодии Ҷумҳурии Тоҷикистон бо ҷалби сармоягузорони ҷопонӣ ба мувофиқа расиданд.

   ДУШАНБЕ, 14.03.2023 /АМИТ «Ховар»https://khovar.tj/2023/03/dar-dushanbe-alasai-duyumi-komissiyai-mushtaraki-bajni-ukumatii-to-ikiston-va-opon-doir-karda-shud/