Ҳунарпешаи шинохта, барандаи ҷоизаи «Оскар» Томми Ли Ҷонс, к ибо нақшофарӣ дар филми «Одамони сиёҳпӯш» маъруф аст ба ҳайати ҳунармандони мавсими дуюми силсилафилми «Ҳақиқати пинҳон» ҳамроҳ шуд. Дар бораи ин кастинги интихоби ҳунармандон нашрияи «Deadline» хабар додааст.

Ин силсилаи ҷиноятӣ тирамоҳи соли гузашта дар шабакаи FX намоиш дода шуд. Сужа дар бораи рӯзноманигоре бо номи Ли бо нақшофарии  Итан Ҳоук аз иёлати Оклахома мебошад, ки ҷустуҷӯи ҳақиқат ӯро пайваста ба мушкилиҳо дучор мекунад.

Таҳиякунандаи лоиҳа Стерлин Харджо мебошад. Тафсилоти нақши Томми Ли Ҷонсҳоло маълум нест.

Барои ҳунарпеша ин аввалин иштирок дар як лоиҳаи телевизионӣ дар давоми 40 сол хоҳад буд. Бори охир ӯ соли 2023 дар филми драмавии «Маросими дафн» дар экрани синамо пайдо шуда буд.