Дар доираи Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» солҳои 2018–2028 ин лаҳзаҳо дар Китобхонаи миллии Тоҷикистон чорабинии канорӣ дар мавзуи "Тағйирот дар криосфера ва захираҳои обӣ дар Осиёи Марказӣ: хатарҳо, мониторинг ва мутобиқшавӣ" ба кори худ шуруъ намуд.
Чорабини бо ибтикори Институти экология ва географияи Шинҷони Академияи илмҳои Ҷумҳурии Мардумии Чин доир шуда, дар он масъалаҳои устувории иқлим, идоракунии захираҳои обӣ бо дарназардошти хатарҳо, таъсири тағйироти криосфера ба захираҳои обӣ, ҳамгироии илм ва сиёсат мавриди баррасӣ қарор дода мешаванд.
Ҳадафи ин чорабинии канорӣ фароҳам овардани замина барои муколама байни олимон, коршиносон, намояндагони мақомоти давлатӣ, шарикони рушд ва ҷонибҳои манфиатдори минтақавӣ оид ба динамикаи босуръат тағйирёбандаи захираҳои обии кӯҳӣ ва системаҳои криосферӣ таҳти таъсири тағйирёбии иқлим мебошад.