Студияи “Амазон”  ҳуқуқи наворбардорӣ ва пахши филми муҳорибавии «Оилаи Келлиҳо» - ро ба даст овард. Нақшҳои асосиро дар ин филм Арнолд Шварсенеггер ва Лиам Хемсворт иҷро мекунанд. Филм тавассути хадамоти намоишии “Prime Video” намоиш дода мешавад.

Коргардонии лоиҳаро Бред Пейтон ба уҳда дорад, ки бо филмҳои «Шикасти Сан-Андреас»  ва «Рэмпейҷ: Ҳамлаи ҳайвонҳои азим» маъруф аст.

Дар маркази ҳодисаҳо корманди пулиси шаҳри Ню-йорк Ҷек Келли қарор дорад, ки нақши ӯро Лиам Ҳемсворт мебозад. Вақте ҳамсараш Молли аз ҷониби бадхоҳон дар бинои як анбори кӯҳнаи силоҳ ба гарав гирифта мешавад, Ҷек маҷбур мешавад аз касоне кӯмак пурсад, ки аз онҳо бештар аз ҳама метарсад. Ҷузъиёти нақши Арнолд Шварсенеггер ҳанӯз махфӣ нигоҳ дошта мешаванд.

Барои Шварсенеггер ин дувумин ҳамкорӣ бо “Амазон” мебошад. Ҳарчанд санаи дақиқи намоиши «Оилаи Келлиҳо» ҳанӯз эълон нашудааст, наворбардории филм аллакай бо суръати баланд идома дорад.