Коргардони маъруф Ридли Скотт ният дорад аз рӯи романи классикии саргузаштии «Ҷазираи ганҷҳо» филм ба навор бигирад. Дар ин лоиҳа Хю Ҷекман нақши асосӣ, яъне Ҷон Силверро иҷро хоҳад кард. Болои мутобиқсозии асар Ҷек Торн муаллифи силслиаи маъруфи «Синни гузариш» кор мекунад.

Ба иттилои расонаҳои иттилоотӣ ин ҳамон лоиҳаест, ки Ридли Скотт солҳост мехост онро рӯи навор биёрад. Бо вуҷуди ҳамкории тӯлонӣ бо Ридли Скотт, аз ҷумла дар филми тахайюлии дарпешистодаи худ, студияи “20th Century Studios” аз иштирок дар лоиҳа даст кашид.

Романи «Ҷазираи ганҷҳо», ки соли 1883 нашр шудааст, то ҳол илҳомбахши филмсозони саросари ҷаҳон мебошад. Дар моҳи марти соли ҷорӣ шабакаҳои “MGM+” ва “Paramount+” ба наворбардории як силсилафилми нав бар асоси ин асар оғоз карданд, ки дар он Девид Оелоу нақши Ҷон Силверро мебозад.