25 март дар шаҳри Лондон бо мақсади таҷлили Ҷашни байналмилалии Наврӯз бо ибтикори Сафорати Ҷумҳурии Тоҷикистон дар Подшоҳии Муттаҳидаи Британияи Кабир ва Ирландияи Шимолӣ барномаи фарҳангӣ-фароғатӣ ташкил ва баргузор гардид, ки дар он шумораи зиёди ҳамватанони муқими Британияи Кабир иштирок намуд. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Қабл аз оғози барномаи консертӣ дар толори бошукуҳ тибқи анъанаҳои наврӯзӣ дастурхони «7 син ва 7 шин» ороста шуд.

Хотири ҳамаи меҳмононро ҳунармандони хушовоз ва маъруфи Ҷумҳурии Тоҷикистон, ки бо даъвати намояндагии дипломатӣ маҳз барои ин ҷашн ба Лондон ташриф оварда буданд, бо сурудҳои ҷаззобу дилнишини худ шод намуданд.

ДУШАНБЕ, 27.03.2023 /АМИТ «Ховар»/. https://khovar.tj/2023/03/dar-sha-ri-london-ashni-bajnalmilalii-navr-z-ta-lil-karda-shud/