Санаи намоиши мавсими дуюми силсилафилми илмӣ-тахаюлии «Масъалаи се ҷисм» аз ҷониби ширкати филмофарии Нетфликс эълон гардид. Қисматҳои нави ин силсила 14 январи соли 2027 дастрас хоҳанд шуд.
Офарандагони филм муаллифони силсилафилми машҳури «Бозии тахтҳо» Дэвид Бениофф ва Дениел Бретт Вайсс, инчунин Александр Ву мебошанд. Нахустнамоиши он соли 2024 баргузор шуда, асар бар асоси асари ҳамноми нависандаи чинӣ Лю Сисин таҳия шудааст.
Силсилафилми мазкур дар бораи гурӯҳе аз физикдонҳо нақл мекунад, ки бо таҳдиди ҳамлаи мавҷудоти кайҳонӣ рӯ ба рӯ мешаванд. Қаҳрамонон дар натиҷаи гузаронидани таҷрибаҳои илмӣ ба хулосае меоянд, ки ғарибон мехоҳанд пешрафти илмию техникиро дар Замин боздоранд.
Дар ин силсилафилм ҳунармандоне чун Эйса Гонсалес, Ҷесс Ҳонг, Бенедикт Вонг ва дигарон нақш офаридаанд.



5