365 
Вохӯрии Вазири корҳои хориҷии Ҷумҳурии Тоҷикистон Сироҷиддин Муҳриддин бо узви Шӯрои давлатӣ, Вазири корҳои хориҷии Ҷумҳурии Мардумии Чин Тсин Ган 13 апрел дар Самарқанд баргузор гардид. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дар ҷараёни мулоқот маҷмуи масъалаҳои мубрами ҳамкории дуҷониба, масоили байналмилалӣ ва минтақавӣ мавриди баррасии тарафайн қарор гирифт.
Ҷонибҳо ҳамчунин раванди омодагӣ ба мулоқотҳои дарпешистодаи сатҳи олиро муҳокима намуданд.
Ёдовар мешавем, ки 13 апрел дар шаҳри Самарқанд Вохӯрии 4-уми вазирони корҳои хориҷии мамлакатҳои ҳаммарз бо Афғонистон баргузор гардид.
ДУШАНБЕ, 14.04.2023 /АМИТ «Ховар»/https://khovar.tj/