Масрур Раҷабов, моҳи майи соли 2011-ум тариқи озмун дар Кумитаи телевизион ва радиои назди Ҳукумати Ҷумҳурии Тоҷикистон ба ҳайси муҳаррири идораи барномаҳои фарҳангї-фароғатии Шабакаи якуми телевизиони “Тоҷикистон” фаъолияти кориашро шуруъ намудааст. Баъдан аз моҳи марти соли 2013-ум ба тариқи гузариш аз Шабакаи якуми телевизиони “Тоҷикистон” ба Муассисаи давлатии «Телевизиони Пойтахт» ҳоло МД «Душанбе HD» ба ҳайси муҳаррир фаъолиятро идома медиҳад. Соли 2016 аз ҷониби Кумитаи телевизион ва радиои назди Ҳукумати Ҷумҳурии Тоҷикистон Муассисаи давлатии «Синамо» ифтитоҳ мегардад, ки як қатор рӯзноманигорони ботаҷрибаро ба он шомил месозанд. М. Раҷабов низ шомили ин гурӯҳ мегардад. Дар ибтидо ба ҳайси Муҳаррири варзидаи шуъбаи филмҳои тасвирӣ корро шурӯ намуда, баъдан ба ҳайси сармуҳаррири идораи барномаҳои иттилоотию таҳлилӣ фаъолият намудааст. Ҳоло ба ҳайси муавини якуми директори Муассисаи телевизиони “Синамо” фаъоляташро идома дода истодааст. Муаллифи  як қатор филмҳои мустанад ва барномаҳои сиёсию таҳлилӣ аз қабили “Истиқлоли меҳан”, Ваҳдат бақои миллат”, “Рӯҳи шикастнопазир”,  “Забон ҳастии миллат” “Таърихи синамои тоҷик”,  “Неруи созанда”,  “Махзаи илм”, “Душанбе-боргоҳи марифат” “Самари умр” мебошад. Дар таҳияи барномаҳои телевизионии калонҳаҷми ҷашнӣ низ, саҳмгузор буда, муаллиф ва барандаи барномаи фарҳангӣ-фароғатии “Нурафкан” аст.

Бо нишони “Аълочии телевизион ва радиои Тоҷикистон” ва  Ифтихорномаву сипоснамоҳо аз  Кумитаи телевизион ва радиои назди Ҳукумати Ҷумҳурии Тоҷикистон,  МД телевизиони “Синамо” ва як қатор муассисаву ташкилотҳои соҳавӣ сарфароз гардидааст.