Муассисаи давлатии телевизиони «Синамо»

Муассисаи давлатии телевизиони «Синамо» бо ташаббуси Асосгузори ваҳдати миллӣ-Пешвои миллат Эмомалӣ Раҳмон дар асоси Қарори Ҳукумати Ҷумҳурии Тоҷикистон аз 28 ноябри соли 2015 таъсис ёфтааст. Фаъолияти телевизиони «Синамо» пеш аз ҳама дар асоси Конститутсияи Ҷумҳурии Тоҷикистон, қонунҳои амалкунанда, қарорҳои Ҳукумат, супоришҳои роҳбарияти Кумитаи телевизион ва радиои назди Ҳукумати Ҷумҳурии Тоҷикистон ба роҳ монда шуда, мақсад ва вазифаҳои асосии он пеш аз ҳама чунин аст: Таъмини аҳолии Ҷумҳурии Тоҷикистон бо филмҳои гуногунжанри миллӣ, паҳнкунӣ ва намоиши филмҳо, нигоҳдорӣ ва инкишофи заминаи моддию техникии кино, гузаронидани кинофестивалҳо. иштирок дар кинофестивалҳо ва дигар чорабиниҳои байналмилалии киноматографистон, тайёр намудани мутахассисони соҳа. Муассисаи давлатии телевизиони «Синамо» ҳамчунин ҷиҳати рушди минбаъдаи кинои миллӣ, ташаккули талаботи аҳолӣ ба кино, бедор кардани шавқи устувор ба ин намуди санъат, фароҳам овардани шароити зарурии моддию техникӣ барои баланд бардоштани самаранокии кори тарбиявӣ чорабиниҳои мушаххасро амалӣ хоҳад гардонд. Ҷалби васеи табақаҳои гуногуни иҷтимоии аҳолӣ ҷиҳати иштироки фаъолонаи онҳо дар тамошои филмҳо тариқи телевизион ва кинотеатрҳои шаҳру ноҳияҳои ҷумҳурӣ, пахши филмҳои миллӣ бо мақсади баланд бардоштани сатҳи фарҳангӣ, сиёсӣ, иҷтимоию иқтисодӣ ва ҳуқуқии аҳолии мамлакат аз ҷумлаи мақсадҳое мебошанд, ки Муассисаи давлатии «Синамо» дар назди худ қарор додаст. Филми кӯтоҳметраи телевизионии ҳамкорамон Ҷумъахон Рустамӣ таҳти унвони «Инъикос» соҳиби яке аз ҷоизаҳои асосии синамобазми «Як акс» дар шаҳри Калгарии Канада гашт. Самти асосии фаъолияти МД телевизиони «Синамо» таҳияи филмҳои бадеӣ ва мустанад, дубляж, тарҷума ва бо зернавис пешниҳод намудани филмҳо, таҳияи филмҳои тасвирӣ ва пешниҳоди филмҳои истеҳоли давлатҳои дигар мебошад. Ин аст, ки дар Муассиса давоми сол филмҳои ҳунарии кӯтоҳметра ва пурраметраи "Мерос" (таҳияи Н.Раҷабова), «Инъикос» (таҳияи Ҷ.Рустамӣ), «Писарак» (муаллиф С.Ҳасанзод, коргардон М.Исмоилов), «Падар» (муаллиф ва коргардон М.Исмоилов), «Варта» (таҳияи Н.Шарифов) таҳия карда шуданд. Дар ин баробар аз тарафи кормандони Муассиса бахшида ба ҷашнҳои давлатию миллӣ ва ташаббусҳои байналмилалии роҳбарияти давлату Ҳукумати Ҷумҳурии Тоҷикистон, таъриху фарҳанг, забону адабиёт, рушди илмҳои дақиқ 43 адад филми мустанад чун: “Саразм- ёдгории таърих”, “Неруи созанда”, “Пармашох - зебандаи кӯҳсор”, “Навои воло”, “Бузи кӯҳӣ”, “Гавазни бухороӣ”, “Закариёи Розӣ- падари кимиё”, “Ибни Ҳайсам- падари физикаи рӯшноӣ”, “Насираддини Тӯсӣ-донишманди ҳамадон”, “Ибни Сино” “Абӯмаҳмуди Хуҷандӣ”, “Аҳмади Фарқонӣ”, силсилафилми мустанади “Кишвари ман” (Темурмалик, Балҷувон , Панҷакент, Варзоб, Роғун, Айнӣ, Кӯҳистони Мастчоҳ, Тоҷикобод, Ванҷ, Дарвоз), “Истиқлол неъмати миллат”, “Мерос”, силсила филми мустанади “Дар оинаи таърих”-“Рӯҳияи истиқлолхоҳии тоҷикон”, “Илми ситорашиносӣ дар Ориёи бостон”, “Сарвати Амударё”, “Ҷойгоҳи асп дар зиндагии ориёиҳо”, “Ёдгории ҷаҳонии тоҷикон”, “Наҳри Доро”, “Илми ситорашиносӣ”, “Роҳи абрешим”, “Давлатдории Ҳайтолиён”, “Таърихи захираи хӯрок”, “Захираи ғизо”, “Конститутсияи тоҷикон”, “Меҳргон”, “Парчам”, “Намоди ифтихору якпорчагӣ”, силсилаифилми мустанади “Рисолат” (Аслӣ Бурҳонов, Гурминҷ Завқибеков ва Тоҳир Собиров).