Ғафуров Бобоҷон Саъдуллоевич

Ғафуров Бобоҷон Саъдуллоевич
17-уми апрели соли 1981 дар деҳаи Пушинги ноҳияи Данғара ба дунё омадааст. Соли 1988 ба мактаби миёнаи №5-и деҳаи Пушинг ба синфи якум рафта, онро соли 1998 хатм намудааст. 
Баъди хатми мактаби миёна соли 1998 ба коллеҷи ҳарбии шаҳри Душанбе дохил шуд ва баъди як соли таҳсил, соли 1999 ба хизмати ҳарбӣ рафта, то соли 2001 хизмат намудааст. 
Соли 2001 баъди адои хизмати ҳарбӣ ба Донишгоҳи миллии Тоҷикистон ба факултаи физика, шуъбаи радио ва электроника дохил шуда, соли 2009 донишгоҳро бо ихтисоси муҳандиси радиофизика ва электроника хатм намуда, соҳиби деплом гардидааст. 
Дар баробари таҳсил аз соли 2002 дар шабакаи аввали телевизиони Тоҷикистон ба ҳайси муҳандиси дараҷаи дуюм дар сехи студияи сайёр (ПТС) то соли 2003 кор кард ва аз соли 2006 то соли 2013 дар Муассисаи давлатии телевизиони «Сафина» ба ҳайси танзимгар ва коргардони дубляж фаъолият кардааст. 
Соли 2009 оила барпо карда, соҳиби ду фарзанд аст. Аз 3-юми моҳи декабри соли 2015 дар Муасисаи давлатии телевизиони «Синамо» дар вазифаи муовини директор оид ба корҳои техникӣ фаъолият дорад.