Варзишгарони тоҷик ба шаҳри Алмаатои Қазоқистон сафар карданд

Дар мусобиқоти Grand-Prix оид ба дзюдо дар шаҳри Алмаатои Қазоқистон Тоҷикистонро чор варзишгар намояндагӣ мекунад. Нурулло Лоиқов, раиси Федератсияи дзюдои Тоҷикистон ба хабарнигорон гуфт, ки барои иштирок дар ин сабқат Фарҳод Раҳимов дар вазни 81 кило, Комроншоҳи Устопириён дар вазни 90 кило, Саидҷалол Саидов дар вазни 100 кило ва Муҳаммадмурод Абдураҳмонов дар вазни беш аз 100 кило ширкат меварзанд.

Конфронси хабарнигорон бахшида ба Рӯзи Ваҳдати миллӣ анҷом ёфт

Конфронс дар доираи танатанахои ҷумҳуриявии Рӯзи Ваҳдати миллӣ дар ВМКБ оид ба мавзӯи «Нақши воситаҳои ахбори омма дар таҳкими Ваҳдати миллӣ» ба анҷом расид. Директори Маркази тадқиқоти стратегии назди Президенти Ҷумҳурии Тоҷикистон Худобердӣ Холиқназар гуфт, ки яке аз омилҳои пирӯзии сулҳи тоҷикон бар ҷангу хушунати солҳои навадуми асри гузашта- ин ҳамкории ВАО бо ҳукумати қонунӣ ва навтаъсис буд. Ҳарчанд расонаҳои дохилии давлатӣ дар ин солҳо ба таври комил муҷаҳҳаз набуданд, аммо тавонистанд ғояҳои расонаҳои пуриқтидори хориҷиро, ки ҳадафашон идомаи ҷанг ва дар султаи худ нигаҳ доштани ин минтақаи хеле муҳим ва ҳассос буд, ба шикаст рӯ ба рӯ сохта, кишварро аз парокандашавӣ нигаҳ доранд.

Суханронӣ дар маросими расмии оғози татбиқи Лоиҳаи минтақавии интиқоли нерӯи барқи CASA-1000

Ҷанобони Олӣ
Муҳаммад Навоз Шариф,
Абдулло Абдулло!
Муҳтарам Сооронбой Шарипович Жээнбеков,
Меҳмонони воломақом, шарикони рушд,
Ҳозирини гиромӣ!

Бо арзи эҳтиром ва самимияти хос ҳамаи шуморо ба сарзамини Тоҷикистон хушомадед мегӯям.

«Шашмақом» шоҳкориест, ки аз гузаштагон мерос мондааст

«Шашмақом» шоҳкориест, ки аз гузаштагон ба мо мерос монда, то ба имрӯз омада расидааст ва ҳамасола 12 май ҳамчун Рӯзи «Шашмақом» таҷлил карда мешавад. Қобили зикр аст, ки соли 2003 дар сессияи 92- юми Созмони ЮНЕСКО «Шашмақом» ҳамчун мероси нодири фарҳангии ҷаҳон ва намунаи беназири мусиқии эҷодии анъанавии миллӣ пазируфта шуд.
Ба андешаи Хуршед Низомов, сардори шуъбаи идоракунии корҳо ва назорати Вазорати фарҳанги Ҷумҳурии Тоҷикистон имрӯз «Шашмақом»-и тоҷик рушд намуда, таваҷҷуҳи насли наврас низ ба он зиёд шуда истодааст.

Дар Душанбе мусобиқаи гӯштини тарзи юнону румӣ оғоз ёфт

11 май дар Душанбе миёни наврасон мусобиқаи байналмилалии варзишӣ аз рӯи намуди гӯштини тарзи юнонию румӣ оғоз гардид.
Тавре ки сомонаи расмии Вазорати корҳои дохилаи ҶТ хабар медиҳад, мусобиқаи мазкур ба 25-умин солгарди Иттиҳоди Давлатҳои Мустақил бахшида шуда, дар он варзишгарон аз ҷумҳуриҳои Тоҷикистон Қазоқистон ва Қирғизистон ширкат меварзанд.
Дар маросими тантанавии кушодашавии мусобиқаи байналмилалӣ муовини вазири корҳои дохилӣ Абдулло Навҷувонов зикр кард, ки варзиш таҳкимбахши дӯстию рафоқат миёни халқҳо ва пеш аз ҳама, кафили саломатист.

Страницы